لمحة عن Hazzar

حزّر هزّر — اجمع الشلة، أو نادي صاحبك، أو ادخل العب لوحدك: أربعة وعشرين لعبة تخمين وتلميحات ومعلومات وخداع، كلها بلهجتنا ومن دنيتنا، ومن غير تسجيل ولا حسابات. حد بيعمل روم، بيبعت الكود، والباقي بيدخلوا في ثانية.

🎮 فيها إيه؟

👥 العب مع الشلة — كل واحد بجهازه (من 3 لـ 12 لاعب)
• الجاسوس — كلكم شايفين كلمة سرية إلا الجاسوس، كل واحد يوصفها بكلمة، وفي الآخر تصوّتوا مين الجاسوس. ولو الكل حسّ إنه عرفه، دوسوا «خلاص نصوّت؟» وصوّتوا على طول من غير ما تكمّلوا اللفّات.
• المحقق والمتهم — واحد معاه كلمة سرية والباقي يحققوا معاه بأسئلة إجابتها أه أو لا.
• خليك لمّاح — واحد يشوف الكلمة ويكتب تلميحات، والباقي يتسابقوا مين يجيبها الأول.
• حبر سري — كل واحد يجاوب على السؤال في السر، وبعدين تخمّنوا كل إجابة بتاعة مين.
• اسأل واستفيد — انتوا اللي بتكتبوا الأسئلة، أو تسحبوها من البنك، وتجاوبوا على أسئلة بعض.

🤝 العب مع الشلة على جهاز واحد — موبايل واحد بيلف عليكم، من غير كود ولا روم
• الجاسوس · المحقق والمتهم · خليك لمّاح

📱 العب مع صاحبك — انت من موبايلك وهو من موبايله
• الحق حماصه — كل واحد يختار كلمة للتاني، وطلّعوها حرف حرف قبل ما حماصه يتشنق.
• سلسلة الكلمات — سلسلة 10 كلمات كل اتنين فيها مصطلح معروف، وصاحبك يفكّها كلمة كلمة.
• جمع الكلمة — حروف متبعترة قدام الاتنين، واللي يرصّها الأول ياخد النقطة.
• خليك لمّاح — 10 تلميحات من الأعم للأخص، واللي يجيب الكلمة الأول ياخد النقط.
• المحقق والمتهم — كل واحد يخبّي كلمة، وتحققوا مع بعض في نفس الوقت.
• أسئلة ومعلومات — سؤال واحد وتلات إجابات قدام الاتنين، واللي يعرف ياخد النقطة.
• خبّي فلوسك — كل واحد يخبّي مبلغ، والتاني يوصله بأسئلة أه أو لا في 3 محاولات.

🤝 العب مع صاحبك على جهاز واحد — موبايل واحد بينكم انتوا الاتنين
• المحقق والمتهم · الحق حماصه · سلسلة الكلمات · خليك لمّاح

🏆 اتحدّى نفسك — لوحدك قدام البنك، من غير روم ولا كود
• سلسلة الكلمات · الحق حماصه · جمع الكلمة · خليك لمّاح · أسئلة ومعلومات
كل لعبة بتطلع لك لقب وإحصائيات، ورقمك القياسي محفوظ على جهازك عشان تحاول تكسره.

✨ ليه حزّر هزّر؟
• بالمصري — الأسئلة والكلمات والتلميحات كلها بلهجتنا ومن حياتنا.
• من غير تسجيل — لا إيميل ولا رقم تليفون. اسمك وأفاتارك وخلاص.
• كود من 4 أرقام أو صوّر الـQR — والروم يتفتح في ثانية.
• صاحبك معاه آيفون؟ يلعب معاكم من المتصفح على طول.
• النت قطع؟ ارجع بنفس الجهاز وهتلاقي مكانك زي ما هو ونقطك محسوبة.
• بنوك بتكبر باستمرار — آلاف الأسئلة والكلمات والتلميحات في كاتيجوريز متنوعة ومستويات سهل ومتوسط وصعب، ومفيش سؤال بيتكرر في نفس الروم.
• مجانية بالكامل — كل الألعاب، من غير مستويات مدفوعة.

📲 إزاي تبدأ؟
اختار هتلعب مع الشلة ولا مع صاحبك ولا لوحدك.
اختار اللعبة واعمل روم — أو ادخل بكود صاحبك.
كل واحد يختار اسمه وأفاتاره، والهوست يبدأ.

👋 مين إحنا؟
«حزّر هزّر» تعاون بين HAZZAR Games وMohamed & Taghreed.
• HAZZAR Games — فريق مصري صغير بيطوّر ألعاب وتحدّيات للشلة وللصحاب، وليك انت كمان لما تبقى لوحدك. بالمصري ومجانًا ومن غير تسجيل.
• Mohamed & Taghreed — صنّاع محتوى بيشاركوكم من زمان تحدّيات وألعاب بينهم، ودلوقتي بيقدّموهالكم هنا في تطبيق تلعبوه مع بعض.

بنطوّر فيها باستمرار — ألعاب جديدة وأسئلة وكلمات جديدة، وأغلب التعديلات بتيجي من ملاحظات اللاعيبة. عندك فكرة أو لقيت مشكلة؟ ابعتلنا على hazzarapp@gmail.com

المزيد

هل Hazzar آمن لجهازي؟

المزيد

نعم، يتبع Hazzar إرشادات محتوى جوجل بلاي لضمان الاستخدام الآمن على جهاز اندرويد الخاص بك.

ما هو ملف XAPK، وماذا علي أن أفعل إذا كان ملف Hazzar الذي قمت بتنزيله هو ملف XAPK؟

المزيد

Xapk هو عبارة عن صيغة الملفات, يجمع ملف OBB و Data إضافة إلى ملف apk للعبة (على سبيل المثال، ملفات الموارد الإضافية في الألعاب الأكبر حجمًا). الغرض من ملف XAPK هو السماح بتخزين ملفات بيانات التطبيق بشكل منفصل قبل تثبيت التطبيق، مما يسمح بإدارة ونقل التطبيقات الكبيرة بشكل أكثر كفاءة. يمكن أن يساعد XAPK في تقليل حجم حزمة التثبيت الأولي للتطبيق. عادة على الهواتف المحمولة، يحتاج المستخدمون أولاً إلى تثبيت تطبيق تثبيت XAPK ثم تثبيت ملف XAPK من خلال التطبيق تطبيقات محددة تجدونها على الرابط التالي: https://apkcombo.com/ar/how-to-install/ على جهاز الكمبيوتر، ما عليك سوى سحب الملفات وإفلاتها في محاكي اندرويد LDPlayer؛

هل يمكنني تشغيل Hazzar على جهاز الكمبيوتر الخاص بي؟

المزيد

نعم، يمكنك تشغيل Hazzar على جهاز الكمبيوتر الخاص بك عن طريق تثبيت محاكي اندرويد - LDPlayer. بعد تثبيت LDPlayer، ما عليك سوى سحب ملف APK الذي تم تنزيله وإسقاطه في المحاكي لبدء تشغيل Hazzar على جهاز الكمبيوتر. بدلا من ذلك، يمكنك فتح المحاكي، والبحث عن اللعبة أو التطبيق الذي تريد تشغيله في متجر بلاي مضمن في LDPlayer، وتثبيته من هناك.